10 թեմաներով անվճար
վերապատրաստման դասընթացներ

ԾՐԱԳՐԻ ՆՊԱՏԱԿԸ

ՀՀ Բարձր Տեխնոլոգիական Արդյունաբերության նախարարության համաֆինանսավորմամբ «Բի Էս Սի» Բիզնեսի Աջակցման Կենտրոնն իրականացնում է 500 մասնակցի համար նախատեսված «10 թեմաներով անվճար վերապատրաստման դասընթացներ», որը հնարավորություն կտա`
– զարգացնել ոլորտի արդեն մասնագիտացում ունեցող մասնակիցների մասնագիտական գիտելիքներն ու հմտությունները, ապահովել առաջխաղացում կարիերայում,
– ոլորտի սկսնակներին ձեռք բերել նոր մասնագիտացում և անցնել աշխատանքի լավագույն ՏՏ կազմակերպություններում:

Ի՞ՆՉ Է ՊԵՏՔ ԻՄԱՆԱԼ

Ո՞վ է իրականացնելու ծրագիրը

«Բի Էս Սի» Բիզնեսի Աջակցման Կենտրոն խորհրդատվական և թրեյնինգային կազմակերպությունը համաֆինանսավորմամբ իրականացնում է «10 թեմաներով անվճար վերապատրաստման դասընթացներ»։

«Բի Էս Սի» Բիզնեսի Աջակցման Կենտրոնն իր գործունեության 29 տարիների ընթացքում հասել է մեծ նվաճումների իրականացնելով բիզնեսի պլանավորման, կազմակերպման, կառավարման և զարգացմանն ուղղված նախագծեր Հայաստանում և 10-ից ավելի երկրներում։ Մասնավորապես հատկանշական է ընկերության հարուստ փորձը դասընթացների կազմակերպման և անցկացման, ձեռնարկատիրության, փոքր և միջին բիզնեսի զարգացման բնագավառում:

«Բի Էս Սի»-ն, 1994թ-ից առ այսօր, ակտիվ համագործակցում է պետական կառույցների, տեղական և միջազգային հաստատությունների հետ՝ անմիջական աջակցություն ցուցաբերելով ձեռնարկատերերին և բիզնեսի ներկայացուցիչներին ՀՀ բոլոր մարզերում և Երևանում՝ մատուցելով խորհրդատվական, հետազոտական և թրեյնինգների անցկացման ծառայություններ:

Ո՞վ կարող է մասնակցել ծրագրին

Ծրագրի թիրախային խմբերն են՝
– ՏՏ ոլորտի աշխատող մասնագետները,
– արցախյան պատերազմների մասնակիցները (ընդունելության կարգն անցած մասնակիցների համար բոլոր բաղադրիչների դասընթացները կլինեն անվճար),
– ցանկացած անձ, ով կտիրապետի ծրագրի մասնակցության համար անհրաժեշտ մասնագիտական գիտելիքներին:

Մասնակցության պայմանները

Դասընթացին մասնակցելու համար դիմորդը պետք է ունենա անհրաժեշտ նվազագույն գիտելիքներ և հմտություններ՝

Մաթեմատիկայի բազային գիտելիքներ,

Անգլերեն (միջին (B1) կամ ավելի բարձր մակարդակ),

Վերլուծական մտածողություն,

Տրամաբանություն,

ՏՏ ոլորտի բազային գիտելիքներ,

Կրթվելու, զարգանալու, նորը սովորելու ձգտում:

Դասընթացի վճար

Դասընթացներն իրականացվելու են համաֆինանսավորմամբ: Պետությունը կֆինանսավորի դասընթացի արժեքի մի մասը` ֆինանսավորումը տրամադրվում է ըստ Կազմակերպության կողմից ներկայացված դասընթացի արժեքի, սակայն ոչ ավել, քան 200,000 (երկու հարյուր հազար) ՀՀ դրամ՝ 1 մասնակցի համար:

Դասընթացի արժեքի և նշված գումարի տարբերությունը վճարում է ուսանողը, բացառությամբ Հայաստանի Հանրապետությունում և Արցախում տեղի ունեցած մարտական գործողությունների մասնակիցների, ում համար դասընթացները կլինեն անվճար: Վերոնշյալ գումարի տարբերությունն այս դեպքում ուսանողի փոխարեն հատուցում է կրթական կազմակերպությունը:

Դասընթացի արժեքը – 240,000 ՀՀ դրամ է։

* Ուսանողի կողմից վճարվող վարձավճարը կփոխհատուցի «Բի Էս Սի» Բիզնեսի Աջակցման Կենտրոն ՍՊ ընկերությունը:

Ի՞նչ ձևաչափով են լինելու դասընթացները

Դասընթացներն իրականացվելու են շաբաթական 2-3 անգամ (ընդհանուր 18-24 ժամ՝ յուրաքանչյուր դասը 2-3 ժամ տևողությամբ):
Խումբը կազմված է լինելու է առավելագույնը 25 ուսանողից։
Դասընթացներն իրականացվելու են և՛ առկա (offline) և՛ հեռավար (online) եղանակներով։

Ուսումնական ծրագիր

Դասընթացի մասնակիցները հնարավորություն կունենան մանրամասն ծանոթանալու հետևյալ մասնագիտացումներին՝

Quality Assurance Automation (Սկսնակ և Միջին մակարդակ)

QA Manual (Սկսնակ և Միջին մակարդակ)

Պրոդուկտի կառավարում (Սկսնակ և Միջին մակարդակ)

ՏՏ վաճառքներ (Սկսնակ և Միջին մակարդակ)

ՏՏ նախագծերի կառավարում (Սկսնակ և Միջին մակարդակ)

Տվյալների վերլուծություն (Սկսնակ և Միջին մակարդակ)

Թվային մարքեթինգ (Սկսնակ և Միջին մակարդակ)

DevOps (Սկսնակ և Միջին մակարդակ)

Linux (Սկսնակ և Միջին մակարդակ)

Network Administration (Սկսնակ և Միջին մակարդակ)

Դասընթացի ընթացքում մասնակիցներին կտրամադրվեն համապատասխան նյութեր, գրքերի հղումներ, օգտակար հոդվածներ:

Դասընթացի ավարտին ուսանողների գիտելիքների ստուգում և արդյունքների ամփոփում

Դասընթացի ավարտին կանցկացվի առցանց քննություն/թեստ, որի արդյունքում կստուգվեն ուսանողների կողմից ձեռք բերված ինչպես տեսական գիտելիքները, այնպես էլ գործնական հմտությունները։ Թեստը դրական կհամարվի 50% և ավել միավորներ ստանալու դեպքում։

Դասընթացի ավարտին մասնակիցները կունենան՝

– սերտիֆիկացված նոր մասնագիտացում՝ նոր կամ խորացված գիտելիքներով,
– նոր հմտություններ և գիտելիքներ սկսելու իրենց կարիերան որպես տեխնոլոգիական ոլորտի մասնագետներ, տիրապետելով շուկայի, առանձնահատկություններին և նրբություններին,
– բարելավված գիտելիքներ, շարունակելով շուկայում հանդես գալ որպես բարձրակարգ ու պահանջված մասնագետներ,
– դասընթացի ավարտից ոչ ավել քան մեկ ամսվա ընթացքում, դասընթացներին որպես անհատ հանդես եկած մասնակիցներին աջակցություն կտրամադրվի համապատասխան աշխատանք գտնելու հարցում:

Բացի դասընթացին մասնակցությունից, բոլոր մասնակիցները դասընթացի ավարտին կմասնակցեն 2-4 ժամ տևողությամբ softskill-երի զարգացման դասընթացի: Դասընթացի հիմնական նպատակը մասնակիցներին՝ ժամանակի կառավարման, որոշումների կայացման, ներկայացման, հաղորդակցման և բանակցային հմտությունների փոխանցումն է:

Կոնտակտային տվյալներ

Facebook – BSCBusinessSupportCenter
Էլ․ փոստ – info@bsc.am
Հեռ․ – 077 57 47 78