Բիզնեսի զարգացման ծրագրի մասնակցության հրավեր Կոտայքի և Գեղարքունիքի մարզերի երիտասարդ ձեռներեցների համար:
ՄԱԶԾ-ն Ռուսաստանի Դաշնության կողմից ֆինանսավորվող՝ «Հայաստանի մարզերում երիտասարդության համար զբաղվածության և եկամուտ ստեղծող հնարավորությունների բացահայտում» ծրագրի շրջանակներում, «Բի Էս Սի» Բիզնեսի Աջակցման Կենտրոնի հետ համատեղ իրականացնում է միկրո և փոքր ձեռնարկությունների աջակցության ծրագիրը:
Ծրագրի նպատակն է
– բարձրացնել երիտասարդների աշխատունակությունը մասնագիտական կրթության և ուսուցման ոլորտում,
– նպաստել թիրախային շրջանների՝ Կոտայքի և Գեղարքունիքի մարզերի երիտասարդության աշխատանքի անցմանը,
– աջակցել նշված մարզերի շրջաններում երիտասարդների տնտեսական հզորացմանը:
Ծրագրին կարող են դիմել այն բիզնեսները, որոնք
– գրանցված են և գործունեություն են ծավալում Կոտայքի կամ Գեղարքունիքի մարզերում,
– համարվում են միկրո կամ փոքր ձեռնարկատիրություններ,
– գործում են 2 և ավելի տարիներ,
– ունեն տարեկան 3 մլն ՀՀ դրամից ոչ պակաս շրջանառություն,
– ձեռներեցները պետք է պատրաստ լինեն կատարել սեփական ներդրում՝ դրամաշնորհային գումարի 10%-ի չափով,
– բիզնեսի սեփականատերը հանդիսանում է մինչև 35 տարեկան ձեռնարկատեր,
– Կարող են մաասնակցել ընկերություններ բոլոր ոլորտներից, բացի մանրամեծածախ առևտրից:
Ծրագիրը պարունակում է
– 7 օրյա դասընթացներ ձեռնարկատիրության վերաբերյալ,
– բիզնես խորհրդատվություն,
– բիզնես պլանի մշակում,
– բիզնես գաղափարների ներկայացում,
– դրամաշնորհների տրամադրում,
– ընթացիկ խորհրդատություն և մոնիթորինգ։
Ծրագրին կարող եք դիմել հետևյալ հղումով մինչև սեպտեմբերի 30-ը ներառյալ:
Դիմորդները ընտրվելու են ըստ դիմում հայտերի, որտեղ գնահատվելու են նպատակի հիմնավորումը, բիզնեսի մասին տարրական գիտելիքները և բիզնես գաղափարը (որքանով է այն իրատեսական և հեռանկարային):
Ստացված դիմում-հայտերի հիման վրա՝ հաջորդ փուլ անցած դիմորդների հետ կապ կհաստատվի և կիրականացվի հարցազրույցներ, որոնց հիման վրա կընտրվեն ծրագրի մասնակիցները:
Դիմորդների ընտրության փուլում՝ հավասար միավորներ ձեռք բերելու պարագայում կսահմանվեն առաջնահերթություններ:
Առաջնահերթություններ կարող են տրվել այն ընկերություններին, որոնց
– սեփականատերը ունի ֆիզիկական հաշմանդամություն,
– գործում է գյուղական համայնքներում,
– գործում է ագրոարտադրության և ագրովերամշակման, փոքր արտադրության (չրեր, տեքստիլ արտադրանք, կաշվե իրեր, թանկարժեք և կիսաթանկարժեք քարերից և մետաղներից իրեր, գյուղմթերքներ), ՏՏ, զբոսաշրջության, ժամանցի, հանգստի և մշակույթի ոլորտում,
– սեփականատերը կին է:
Դասընթացի մասնակցության տեղերը սահմանափակ են՝ 30 մասնակցի երկու մարզերից: Դասընթացի ավարտին մասնակիցները ընտրող հանձնաժողովին ներկայացնելու են ծրագրի ընթացքում իրենց մշակած բիզնես նախագծերը, ըստ որի գնահատվելու են: Գնահատման արդյունքում՝ երկու մարզերից ընդհանուր 20 մասնակիցներ կստանան 2,000,000 – 3,000,000 ՀՀ դրամ՝ բիզնեսների զարգացման համար:
Դրամաշնորհառուները պարտավորվում են դրամաշնորհի ծախսման ուղղություններով ներկայացնել ֆինանսական հաշվետությունները՝ ներառյալ ծախսերը հավաստող փաստաթղթեր:
Ծրագրի ընդհանուր տևողությունը
մինչև դեկտեմբեր, 2022թ.։
Անցկացման վայր՝
Կոտայքի և Գեղարքունիքի մարզեր։
Դիմելու վերջնաժամկետ`
30.09.22թ․։
Մանրամասների համար.
zhanna@bsc.am, bsc@bsc.am;
+374 77 57 47 78, +374 99 57 47 78, +374 95 57 47 78։